Friday, January 17, 2020

ချင်းလူမှုရေးအသင်း၊ ရန်ကုန် (All Chin Society-Yangon) ၏ ACSY Community Hall ပန္နက်တော်တင် ဆုတောင်းဆက်ကပ်ခြင်း အခမ်းအနားကျင်းပ ဒုတိယသမ္မတ ဦးဟင်နရီဗန်ထီးယူ တက်ရောက် အမှာစကား ပြောကြား

ချင်းလူမှုရေးအသင်း၊ ရန်ကုန် (All Chin Society-Yangon) ACSY Community Hall ပန္နက်တော်တင် ဆုတောင်းဆက်ကပ်ခြင်း အခမ်းအနားကျင်းပ ဒုတိယသမ္မတ ဦးဟင်နရီဗန်ထီးယူ တက်ရောက် အမှာစကား ပြောကြား

ရန်ကုန်- ဇန်နဝါရီ ၁၆
ချင်းလူမှုရေးအသင်း၊ ရန်ကုန်(All Chin Society-Yangon) ACSY Community Hall ပန္နက်တော်တင် ဆုတောင်းဆက်ကပ်ခြင်း အခမ်းအနား ကို ယနေ့ နံနက် ၁၀ နာရီက ရန်ကုန်မြို့ ဒဂုံမြို့သစ် အရှေ့ပိုင်းမြို့နယ် (၁၅)ရပ်ကွက် အမှတ်-၁၈၃ရှိ ချင်းလူမှုရေးအသင်း၊ရန်ကုန်(ACSY) ဝင်းအတွင်း ကျင်းပသည်။
အခမ်းအနားသို့ ဒုတိယသမ္မတ ဦးဟင်နရီဗန်ထီးယူနှင့်ဇနီး ဒေါက်တာရွှေလွှမ်း၊ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေး၊ ပြည်ထောင်စု အစိုးရအဖွဲ့ရုံး ဝန်ကြီးဌာန ဒုတိယဝန်ကြီးဦးတင်မြင့်၊ ရန်ကုန်တိုင်းဒေသကြီး အစိုးရအဖွဲ့ လူမှုရေးဝန်ကြီး ဦးနိုင်ငံလင်း၊ ဒုတိယမြို့တော်ဝန်၊ လွှတ်တော်ကိုယ်စားလှယ်များ၊ ဌာနဆိုင်ရာ တာဝန်ရှိသူများ၊ ချင်းလူမှုရေးအသင်း၊ ရန်ကုန်(ACSY)မှ ဥက္ကဋ္ဌနှင့် ချင်းလူမှုရေး အဖွဲ့စည်းများမှ တာဝန်ရှိသူများ၊ ရန်ကုန်ရှိ ချင်းတိုင်းရင်းသားများ တက်ရောက်ကြသည်။
ရှေးဦးစွာ သိက္ခာတော်ရဆရာ ဒေါက်တာရာလ်ဘွေးက ဆုတောင်းခြင်းဖြင့် အခမ်းအနားကို ဖွင့်လှစ်သည်။
ထို့နောက် ဒုတိယသမ္မတ ဦးဟင်နရီဗန်ထီးယူက အဖွင့်အမှာစကား ပြောကြားရာတွင် ချင်းလူမှုရေးအသင်း (ရန်ကုန်)သည် ချင်းတိုင်းရင်းသားများ ပူးပေါင်း လက်တွဲလျက် ရှေ့အနာဂတ်၏ ခရီးလမ်းတွင် အတူတကွလျှောက် လှမ်း နိုင်ရမည်ဆိုသည့် အတွေးဖြင့် စတင်ပေါ်ပေါက် လာခြင်းဖြစ်ကြောင်း၊ ၂၀၁၆ ခုနှစ် မေလ ၁၀ ရက်နေ့ Novotel Hotel တွင် ချင်းတိုင်းရင်းသား ခေါင်းဆောင်များ ပထမဆုံးအကြိမ် အစည်းအဝေး ကျင်းပပြီး မေ ၂၉ ရက်တွင် မိမိနှင့် ချင်းပြည်နယ် ဝန်ကြီးချုပ်တို့ကို ဂုဏ်ပြုပွဲ အခမ်းအနား ကျင်းပပြုလုပ်ခဲ့ကြောင်း။
အဆိုပါ အခမ်းအနား ကျင်းပပြီးနောက်ပိုင်း မိမိအနေဖြင့် ချင်းတိုင်းရင်းသား ခေါင်းဆောင်များ အား ယခုထက်ပိုပြီး စည်းလုံးနိုင်ရန်၊ ညီညွတ်စွာဖြင့် ဆက်လက်ပူးပေါင်း ဆောင်ရွက်နိုင်ရန်အတွက် ရည်ရွယ်ပြီး မျိုးနွယ်စု အလိုက် ဝတ်စုံများကို ပေါင်းစပ်ပြီး ချင်းလူမျိုးများ၏ တူညီဝတ်စုံ (ဘုံဝတ်စုံ) တစ်ခု ဖန်တီးနိုင်ရေး အတွက် ပူးပေါင်းဆောင်ရွက်ရန် မှာကြားခဲ့ပါကြောင်း။
ယခုအခါ ချင်းလူမျိုးများ၏ ဘုံဝတ်စုံတစ်ခုကို အကောင်အထည်ဖော် နိုင်ခဲ့ကြပြီဖြစ်၍ ဝမ်းသာပီတိ ဖြစ်ရပါကြောင်း၊ ယင်းအတွက် ပါဝင်ဆောင်ရွက်သူများ အားလုံးကို အထူးကျေးဇူးတင် အသိအမှတ် ပြုပါကြောင်း၊ ယင်းဘုံဝတ်စုံကိုဖန်တီးနိုင်ခြင်းအားဖြင့် ချင်းတိုင်းရင်းသားများ၏ စည်းလုံးညီညွတ်မှုမှ တစ်ဆင့် ပြည်ထောင်စုတိုင်းရင်းသားလူမျိုးအားလုံး စည်းလုံးညီညွတ်မှုကို အထောက်အကူပြုနိုင်စေရန် ဆန္ဒပြုအပ်ပါကြောင်း။
ချင်းလူမျိုးများ တူညီဝတ်စုံ ဖြစ်မြောက်ရေးကော်မတီက ၂၀၁၇ ခုနှစ် ဇန်နဝါရီ ၂၉ ရက်တွင် ကျင်းပပြုလုပ်သည့် အစည်းအဝေးကနေ ရန်ကုန် တိုင်းဒေသကြီးအတွင်း မှီတင်းနေထိုင်ကြသော ချင်းတိုင်းရင်းသား များ၏ သာရေး၊ နာရေး၊ လူမှုရေး ကိစ္စများကို ပူးပေါင်းဆောင်ရွက်ရန် ချင်းလူမှုရေး အသင်း (ရန်ကုန်)ကို ဖွဲ့စည်းနိုင်ရေးဆောင်ရွက်ခဲ့ရာ ၂၀၁၇ ခုနှစ် စက်တင် ဘာလ ၁၉ ရက်တွင် ပြည်ထဲရေးဝန်ကြီးဌာန၊ ပြည်ထောင်စု မှတ်ပုံတင်ရေးအဖွဲ့၏ မှတ်ပုံတင်လက်မှတ် အမှတ် / ပြည်တွင်း/ ၀၅၃၇ ဖြင့် စတင်ဖွဲ့စည်းခွင့် ရခဲ့ပါကြောင်း။
ချင်းလူမှုရေးအသင်း(ရန်ကုန်)ကို ပြည်ထောင်စုဖွား ချင်းတိုင်းရင်းသားအားလုံး အချင်းချင်း ချစ်ခင် ရင်းနှီးလျက် စည်းလုံးညီညွတ်မှု ရှိလာစေရန်၊ ချင်းလူမျိုးတို့၏စာပေ၊ ရိုးရာယဉ်ကျေးမှု၊ ဓလေ့ထုံးတမ်း စဉ်လာများအား ထိန်းသိမ်းကာကွယ်မြှင့်တင်ရန်နှင့် အမျိုးသားရေး စိတ်ဓာတ်များ မြင့်မားလာ စေရန်၊ ချင်းလူမျိုးတို့၏ သာရေး၊ နာရေး ကိစ္စရပ်များတွင် တစ်ဦးနှင့်တစ်ဦး၊ တစ်ဖွဲ့နှင့် တစ်ဖွဲ့ ကူညီဖေးမခြင်းဖြင့် အချင်းချင်း ရိုင်းပင်းတတ်လာစေရန်၊ ချင်းလူငယ်များ ပညာဗဟုသုတ ကြွယ်ဝလာစေရန်၊ ဘက်စုံထူးချွန်သော လူငယ်များမွေးထုတ်ရေးအတွက် ဘက်ပေါင်းစုံမှ ကူညီဆောင်ရွက်ပေး နိုင်ရန် ဆိုသည့် ရည်ရွယ်ချက် ()ခုဖြင့် ဖွဲ့စည်းခဲ့ပါကြောင်း။
ယခုကဲ့သို့ ကောင်းမြတ်သည့် ရည်ရွယ်ချက်များနှင့် အသင်းကြီး ဖွဲ့စည်းနိုင်ခြင်းအားဖြင့် ရန်ကုန်တိုင်း ဒေသကြီးအတွင်း နေထိုင်သည့် စားဝတ်နေရေးခက်ခဲသည့် ချင်းလူမျိုးများ ဆေးဝါးကုသရန် အကူအညီ လိုအပ်နေသည့် သူများအတွက် အကျိုးခံစားခွင့်ရှိခြင်း၊ ချင်းပြည်နယ်နှင့် ချင်းပြည်နယ်ပြင်ပရှိ ချင်းလူမျိုးများ၏ ကျန်းမာရေးအတွက် လိုအပ်ချက်၊ သာရေး/နာရေးကိစ္စအဝဝတွင် အကူအညီရယူနိုင်ခြင်း၊ အကြောင်းအမျိုးမျိုးကြောင့် ရန်ကုန်မြို့သို့ရောက်ရှိလာပြီး တည်းခိုရန် အခက်အခဲရှိသော သူများအတွက် တည်းခိုနိုင်ခြင်းနှင့် အခက်အခဲပြဿနာတွေ့ကြုံ ရင်ဆိုင် နေရသူများအတွက် ခိုလှုံအားကိုးရာဖြစ်ခြင်း၊ ချင်းလူမျိုးတို့၏ နေ့ထူး နေ့မြတ် အခမ်းအနားများနှင့် အခြားလူမှုရေးကိစ္စများ ဆောင်ရွက်ရန်အတွက် အဆောက်အဦခန်းမကို အသုံးပြုနိုင်ခြင်းစသည့် အကျိုးကျေးဇူး များကို ခံစားနိုင်မည် ဖြစ်ပါကြောင်း။
ချင်းမျိုးနွယ်စု ၅၃ မျိုးလုံး စုပေါင်းတည်ထောင်ထားသည့် ချင်းလူမှုရေး အသင်းကြီးအနေဖြင့် အသင်းဖွဲ့စည်းသည့် ရည်ရွယ်ချက်ပါအတိုင်း ချင်းတိုင်းရင်းသားလူမျိုးများအကြား ရိုင်းပင်းကူညီ ဖေးမခြင်းဖြင့် အချင်းချင်း ချစ်ခင်ရင်းနှီးမှုရရုံသာမက အခြားသော ပြည်ထောင်စုဖွား တိုင်းရင်းသား များနှင့် ချစ်ကြည်စည်းလုံးမှု ပိုမိုလာစေအောင် ဆောင်ရွက်သွားကြရမည် ဖြစ်ကြောင်း၊ အသင်းကြီးအနေဖြင့် ယင်းကဲ့သို့ စည်းလုံးညီညွတ်မှု အင်အား ကို တည်ဆောက်ပြီး နိုင်ငံတော်က အကောင်အထည်ဖော် ဆောင်ရွက်နေ သည့် ပြည်တွင်းငြိမ်းချမ်းရေးလုပ်ငန်းစဉ်များ၊ ဒီမိုကရေစီ ဖက်ဒရယ်ပြည်ထောင်စု ပေါ်ထွန်းရေး ကြိုးပမ်းမှုများတွင် အခြားသော ညီနောင်တိုင်းရင်းသားများနှင့်အတူ လက်တွဲကာ တစ်ထောင့်တစ်နေရာက ပူးပေါင်းပါဝင် ဆောင်ရွက်ကြရန် အလေးအနက်ထား တိုက်တွန်းလိုပါ ကြောင်း။
ယခုကဲ့သို့ ချင်းလူမှုရေးအသင်း(ရန်ကုန်)ကို ဖွဲ့စည်းမှတ်ပုံတင် ခွင့်ပေးသော ပြည်ထဲရေးဝန်ကြီးဌာန(ယခု ပြည်ထောင်စုအစိုးရ အဖွဲ့ရုံး ဝန်ကြီးဌာန) အသင်း မြေနေရာ ရရှိရေးနှင့် ခန်းမတည်ဆောက် နိုင်ရေး တို့အတွက် အဘက်ဘက်မှ ဝိုင်းဝန်းကြိုးပမ်းကူညီ ဆောင်ရွက်ပေးခဲ့ကြသည့် ရန်ကုန်တိုင်းဒေသကြီး ဝန်ကြီးချုပ်နှင့် အစိုးရအဖွဲ့၊ ချင်းပြည်နယ် ဝန်ကြီးချုပ်နှင့် အစိုးရအဖွဲ့၊ အလှူငွေ ထည့်ဝင်လှူဒါန်းခဲ့သော အလှူရှင်များ၊ ဘက်ပေါင်းစုံမှ ပါဝင်ပံ့ပိုး ကူညီပေး သူများနှင့် ချင်းလူမှုရေးအသင်း (ရန်ကုန်)မှ တာဝန်ရှိသူများ အားလုံးကို ကျေးဇူးတင် အသိအမှတ်ပြုပါကြောင်း၊
ချင်းလူမှုရေးအသင်း (ရန်ကုန် )ခန်းမကြီးကို အောင်မြင် ပြီးဆုံးအောင် ဆောက်လုပ်နိုင်ပါစေကြောင်း၊ ချင်းလူမှုရေးအသင်း (ရန်ကုန်) အရှည် တည်တံ့ ခိုင်မြဲပါစေကြောင်း၊ တိုင်းပြည်နှင့်လူမျိုးအကျိုးကို သယ်ပိုး နိုင်ပါစေ ကြောင်း ဆုမွန်ကောင်းတောင်းရင်း နိဂုံးချုပ်ပါကြောင်း ပြောကြား သည်။
ယင်းနောက် လူမှုဝန်ထမ်း၊ ကယ်ဆယ်ရေးနှင့် ပြန်လည် နေရာချ ထားရေးဝန်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေး က အမှာစကား ပြောကြားသည်။
ဆက်လက်၍ ချင်းလူမှုရေးအသင်း(ရန်ကုန်) ဥက္ကဋ္ဌ ဦးလျန်ကြုံးနူံးက ဂုဏ်ပြုကြိုဆို စကားပြောကြားပြီး ဘဏ္ဍာရေးမှူး ပီတာငွန်ဇကျုံးက ချင်းလူမှုရေးအသင်း(ရန်ကုန်) ဖြစ်ပေါ်လာပုံ၊ ဆောက်လုပ်မည့် အဆောက်အဦကိစ္စရပ်များနှင့် ACSY Logoနှင့် ပတ်သက်သည့် အကြောင်းအရာ များကို ရှင်းလင်း ပြောကြားသည်။
ထို့နောက် ပန္နက်တော်တင် ဆုတောင်းဆက်ကပ်ခြင်း အခမ်းအနားကို ဆက်လက်ကျင်းပရာ ဒုတိယသမ္မတ ဦးဟင်နရီဗန်ထီးယူ၊ ပြည်ထောင်စု ဝန်ကြီး ဒေါက်တာဝင်းမြတ်အေး၊ ဒုတိယဝန်ကြီး ဦးတင်မြင့်၊ လူမှုရေးဝန်ကြီး ဦးနိုင်ငံလင်း၊ ဒုတိယမြို့တော်ဝန်၊ ACSY အသင်းဥက္ကဋ္ဌနှင့် ဘဏ္ဍာရေးမှူး တို့က အဆောက်အဦး ဆောက်လုပ်မည့်မြေနေရာတွင် ပန္နက်တော် ရိုက်နှိပ်ပေးကာ အမွှေးနံ့သာရည်များ ပတ်ဖြန်းပေးကြပြီး Bishop ဒေါက်တာ အန်ဒရူးမန်လုံး က ဆုတောင်းခြင်း ပြုလုပ်သည်။
ဆက်လက်၍ ချင်းလူမှုရေးအသင်း၊ ရန်ကုန်(ACSY) Logoနှင့် Founding Member ကျောက်တိုင်ဖွင့်ပွဲ အခမ်းအနားကို ဆက်လက်ကျင်း ပရာ သိက္ခာတော်ရ ဒေါက်တာဗွန်ခန့်ပေါင်က ဆုတောင်းခြင်းပြုလုပ်ပြီး ဒုတိယ သမ္မတက ACSY Logoနှင့် Founding Member ကျောက်တိုင်အား စက်ခလုပ်နှိပ်ဖွင့်လှစ်ပေးကာ အမွှေးနံ့သာရည်ပတ်ဖြန်းပေးပြီး အခမ်းအနား သို့ တက်ရောက်လာသူများနှင့် စုပေါင်းမှတ်တမ်းတင် ဓာတ်ပုံရိုက်သည်။
ချင်းလူမှုရေးအသင်း၊ ရန်ကုန်(ACSY) မြေနေရာတွင် မြို့နယ်လူမှုရေး၊ မျိုးနွယ်စုလူမှုရေးအသင်းအသီးသီး၏ ရုံးခန်းအတွက် ပေ (၂၀×၄၀) အာစီနှစ်ထပ်တိုက်၊ ACSYရုံးခန်း၊ ပြတိုက်၊ အစည်းအဝေးခန်းမ၊ လူနာများ တည်းခိုရန်နှင့် အခြားအခန်းများ လိုအပ်သလိုအသုံးပြုနိုင်ရန် ပေ (၅၀×၇၀) အာစီသုံးထပ်တိုက်၊ ချင်းလူမျိုးတို့၏ နေ့ထူးနေ့မြတ်နှင့် ချင်းအမျိုးသား နေ့တို့တွင် အသုံးပြုနိုင်ရန် လူဦးရေ (၁၅၀၀၀)ဆန့် ပေ (၂၀၀×၂၀၀) ပတ်လည် ခန်းမကြီးနှင့် မြေညီထပ်၌ ကားပါကင်ထားရှိရန် အဆောက် အဦနှင့် ပြည်နယ်အသီးသီးမှ ကျန်းမာရေးကိစ္စ၊ ပညာရေး ကိစ္စတို့အတွက် ရောက်ရှိလာကြမည့် ချင်းတိုင်းရင်းသားများ တည်းခိုရန် အတွက် ပေ (၁၀၀×၅၀) အာစီခြောက်ထပ်တိုက် ဆောက်လုပ် ရန်လျာ ထားကြောင်း သိရသည်။
ချင်းလူမှုရေးအသင်း၊ ရန်ကုန်(All Chin Society-Yangon)သည် ရန်ကုန်မြို့၌ နေထိုင်ကြသော တောင်ပေါ်မြေပြန့် ချင်းလူမျိုးများနှင့် ချင်းလူ မျိုးလူမှုအဖွဲ့အစည်းအသင်း အသီးသီးတို့ဖြင့် စုပေါင်းဖွဲ့စည်းထားသော အသင်းကြီးဖြစ်သည်။









ဒုတိယသမ္မတ ဦးမြင့်ဆွေ ပုဂ္ဂလိကကဏ္ဍ ဖွံ့ဖြိုးတိုးတက်ရေးကော်မတီ၏ (၁၁)ကြိမ်မြောက် လုပ်ငန်းညှိနှိုင်းအစည်းအဝေးသို့ တက်ရောက်အမှာစကားပြောကြား

ဒုတိယသမ္မတ ဦးမြင့်ဆွေ ပုဂ္ဂလိကကဏ္ဍ ဖွံ့ဖြိုးတိုးတက်ရေးကော်မတီ၏ (၁၁)ကြိမ်မြောက် လုပ်ငန်းညှိနှိုင်းအစည်းအဝေးသို့ တက်ရောက်အမှာစကားပြောကြား

နေပြည်တော် ဇန်နဝါရီ ၁၅
ပုဂ္ဂလိကကဏ္ဍ ဖွံ့ဖြိုးတိုးတက်ရေးကော်မတီ၏ (၁၁)ကြိမ်မြောက် လုပ်ငန်းညှိနှိုင်း အစည်းအဝေးကို ယနေ့နံနက် နာရီတွင် နေပြည်တော်ရှိ စီးပွားရေးနှင့် ကူးသန်း ရောင်းဝယ်ရေးဝန်ကြီးဌာန၊ အစည်းအဝေးခန်းမ၌ ကျင်းပရာ ပုဂ္ဂလိကကဏ္ဍ ဖွံ့ဖြိုးတိုးတက်ရေးကော်မတီဥက္ကဋ္ဌ၊ ဒုတိယသမ္မတ ဦးမြင့်ဆွေ တက်ရောက်အမှာစကား ပြောကြားသည်။
အစည်းအဝေးသို့ ပုဂ္ဂလိကကဏ္ဍဖွံ့ဖြိုးတိုးတက်ရေးကော်မတီ ဒုတိယဥက္ကဋ္ဌ ပြည်ထောင်စုဝန်ကြီး ဒေါက်တာသန်းမြင့်၊ ပြည်ထောင်စုဝန်ကြီးများဖြစ်ကြသည့် ဦးသန့်စင်မောင်နှင့် ဦးဝင်းခိုင်၊ ပြည်ထောင်စုရှေ့နေချုပ် ဦးထွန်းထွန်းဦး၊ ဒုတိယဝန်ကြီး ဦးမောင်မောင်ဝင်း၊ မြန်မာနိုင်ငံတော်ဗဟိုဘဏ် ဒုတိယဥက္ကဋ္ဌ ဦးစိုးသိန်း၊ လုပ်ငန်းကော်မတီ ()ခုမှ ဥက္ကဋ္ဌများနှင့် ဒုတိယဥက္ကဋ္ဌများ၊ Ease of Doing Business Ranking တိုးတက်ရေး လုပ်ငန်းအဖွဲ့များမှ တာဝန်ရှိသူများ၊ အမြဲတမ်းအတွင်းဝန်များ၊ ညွှန်ကြားရေးမှူးချုပ်များ၊ ပြည်ထောင်စုသမ္မတမြန်မာနိုင်ငံကုန်သည်များနှင့် စက်မှုလက်မှုလုပ်ငန်းရှင်များအသင်းချုပ်မှ အထွေထွေအတွင်းရေးမှူးချုပ်၊ မြန်မာနိုင်ငံစက်မှုကုန်ထုတ်လုပ်သူများအသင်း ဥက္ကဋ္ဌနှင့် ဌာနဆိုင်ရာတာဝန်ရှိသူများ တက်ရောက်ကြသည်။
အစည်းအဝေးတွင် ကော်မတီဥက္ကဋ္ဌ၊ ဒုတိယသမ္မတ ဦးမြင့်ဆွေက ယနေ့ကျင်းပပြု လုပ်သည့် အစည်းအဝေးသည် ပုဂ္ဂလိကကဏ္ဍဖွံ့ဖြိုးတိုးတက်ရေးကော်မတီ၏ (၁၁)ကြိမ် မြောက် လုပ်ငန်းညှိနှိုင်းအစည်းအဝေးဖြစ်ပါကြောင်း၊ ပုဂ္ဂလိကကဏ္ဍဖွံ့ဖြိုးတိုးတက်ရေး မူဘောင်ပါ ကိစ္စရပ်များကို ပိုမိုထိရောက်စွာ အကောင်အထည်ဖော်ဆောင်ရွက်နိုင်စေရန် အတွက်ပုဂ္ဂလိကဏ္ဍဖွံ့ဖြိုးတိုးတက်ရေးကော်မတီကို နိုင်ငံတော်သမ္မတရုံးက ၂၀၁၆ ခုနှစ်၊ အောက်တိုဘာလ ၂၄ ရက်နေ့တွင် အဖွဲ့ဝင်(၂၀)ဖြင့် လုပ်ငန်းတာဝန်()ရပ် ချမှတ်ကာ ဖွဲ့စည်းခဲ့ပြီး ယခုအခါ သက်တမ်းအားဖြင့်()နှစ်ပြည့်ခဲ့ပြီးဖြစ်ပါကြောင်း၊ ကော်မတီ၏ လုပ်ငန်းတာဝန် ()ရပ်ကို အကောင်အထည်ဖော် ဆောင်ရွက်နိုင်ရန်အတွက် ဒုတိယဝန်ကြီး ()ဦး နှင့် အမြဲတမ်းအတွင်းဝန်()ဦးတို့ ဦးဆောင်၍ဥပဒေနှင့် လုပ်ထုံးလုပ်နည်းဆိုင်ရာ ဝန်းကျင်တိုးတက်ကောင်းမွန်စေရေး လုပ်ငန်းကော်မတီငွေကြေးရရှိစေနိုင်မှုဆိုင်ရာများ ဆောင်ရွက်ရေးလုပ်ငန်းကော်မတီကုန်သွယ်မှုနှင့် ရင်းနှီးမြှုပ်နှံမှုကို အားပေးမြှင့်တင်ရေး လုပ်ငန်းကော်မတီစီးပွားရေးနှင့် ဝန်ဆောင်မှုဆိုင်ရာ လုပ်ငန်းများတွင် နိုင်ငံ၏ အခန်းကဏ္ဍအား ပြန်လည်ရေးဆွဲရေးလုပ်ငန်းကော်မတီနှင့်အခြေခံလူသားအရင်းအမြစ် တည်ဆောက်ရေး လုပ်ငန်းကော်မတီတို့ကို ဖွဲ့စည်းပြီး လုပ်ငန်းများ အကောင်အထည်ဖော် ဆောင်ရွက်လျက်ရှိပါကြောင်း။
ပုဂ္ဂလိကကဏ္ဍဖွံ့ဖြိုးတိုးတက်ရေးကော်မတီ၏ ပထမအကြိမ် အစည်းအဝေးကို ၂၀၁၆ ခုနှစ်၊ နိုဝင်ဘာလ ၂၈ ရက်နေ့တွင် ကျင်းပခဲ့ပြီး ၂၀၁၇ ခုနှစ်အတွင်းတွင် ()ကြိမ်၊ ၂၀၁၈ ခုနှစ်အတွင်းတွင် ()ကြိမ်၊ ၂၀၁၉ ခုနှစ်တွင် ()ကြိမ်၊ ၂၀၂၀ ပြည့်နှစ်တွင် ပထမဆုံး အကြိမ် ကျင်းပခြင်းဖြစ်ပါကြောင်း၊ ပထမအကြိမ်မှ (၁၀)ကြိမ်အထိ အစည်းအဝေးဆုံးဖြတ် ချက် စုစုပေါင်း (၈၇)ချက်တွင် အကောင်အထည်ဖော်ဆောင်ရွက်ပြီးစီးမှု အချက် (၇၉)ချက် နှင့် ဆောင်ရွက်ဆဲ ()ချက်ရှိသည်ကို တွေ့ရှိရပါကြောင်း၊ ဆောင်ရွက်ဆဲ ()ချက်ကိုလည်း အမြန်ပြီးပြတ်အောင် အချိန်ကာလသတ်မှတ်ပြီး ပူးပေါင်းညှိနှိုင်းဆောင်ရွက်သွားကြရန် တိုက်တွန်းပြောကြားလိုပါကြောင်း။
ပုဂ္ဂလိကကဏ္ဍဖွံ့ဖြိုးတိုးတက်ရေးလုပ်ငန်းများ ဆောင်ရွက်ရာတွင် အထောက်အကူပြု နိုင်ရေးအတွက် စီးပွားရေးလုပ်ငန်းရှင်များနှင့် လစဉ်ပုံမှန်တွေ့ဆုံပြီး လုပ်ငန်းရှင်များ၏ အခက်အခဲများကို ဖြေရှင်းဆောင်ရွက်ပေးလျက်ရှိရာ ၂၀၁၉ ခုနှစ်၊ ဒီဇင်ဘာလအထိ (၃၁)ကြိမ် တွေ့ဆုံခဲ့ပြီး အခက်အခဲအကြံပြုတင်ပြချက်စုစုပေါင်း (၃၆၉)ချက်ရရှိခဲ့ရာ အဆိုပါတင်ပြချက် များအားလုံးကို သက်ဆိုင်ရာဝန်ကြီးဌာနများ၊ နေပြည်တော်ကောင်စီ၊ တိုင်းဒေသကြီးနှင့် ပြည်နယ်အစိုးရအဖွဲ့များနှင့် လုပ်ငန်းကော်မတီ ( ) ခုတို့၏ ဖြေရှင်းပြန်ကြားပေးမှုများကို ပြည်ထောင်စုသမ္မတမြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ်မှတစ်ဆင့် သက်ဆိုင်ရာ စီးပွားရေး လုပ်ငန်းရှင်များ ထံသို့ အကြောင်းပြန်ကြားပေးခဲ့ပြီး ဖြစ်ပါကြောင်း။
အဆိုပါပြန်ကြားချက်များအနက် အချို့အချက်များမှာ နှစ်ဆင့်သုံးဆင့်ဖြေရှင်း ဆောင်ရွက်ပေးရမည့် လုပ်ငန်းများဖြစ်နေသဖြင့် လုပ်ငန်းကော်မတီ ( ) ခု အနေဖြင့် သက်ဆိုင်ရာ ဝန်ကြီးဌာနများနှင့် ပုဂ္ဂလိကစီးပွားရေးလုပ်ငန်းရှင်များတွေ့ဆုံ၍ ဆွေးနွေးပွဲ (Public- Private Dialogue) များကို စဉ်ဆက်မပြတ်ပြုလုပ်၍ ပြီးပြတ်သည်အထိ အဆင့် ဆင့်ဖြေရှင်း ဆောင်ရွက်ပေးလျက်ရှိပါကြောင်း၊ ထို့ပြင် အချို့အချက်များသည် ပြဋ္ဌာန်းထား သည့် မူဝါဒများ၊ လုပ်ထုံးလုပ်နည်းများနှင့် ကိုက်ညီမှုမရှိသည်ကိုလည်း တွေ့ရှိရပါကြောင်း၊ ပုဂ္ဂလိကကဏ္ဍဖွံ့ဖြိုးတိုးတက်ရေးအတွက် အကောင်အထည်ဖော် ဆောင်ရွက်နေမှုများသည် ထိုက်သင့်သလောက် အောင်မြင်မှုရရှိနေသည်ကို အားလုံးအသိပင်ဖြစ်ပါကြောင်း၊ ပုဂ္ဂလိက ကဏ္ဍဖွံ့ဖြိုးတိုးတက်ရေးလုပ်ငန်းများ လျင်မြန်စွာ ဆောင်ရွက်ပေးနိုင်ရေးအတွက် သက်ဆိုင်ရာဝန်ကြီးဌာနများ၊ နေပြည်တော်ကောင်စီ၊ တိုင်းဒေသကြီးနှင့် ပြည်နယ်အစိုးရ အဖွဲ့များနှင့် လုပ်ငန်းကော်မတီ ( ) ခုတို့ အနေဖြင့် မိမိတို့ဆောင်ရွက်ရမည့်လုပ်ငန်းများ တိုးတက်မှု မြန်ဆန်လာအောင် ယခုထက် ပိုမိုအလေးထား အကောင်အထည်ဖော် ဆောင်ရွက် သွားကြရန် ပြောကြားလိုပါကြောင်း။
သို့မှသာ ပုဂ္ဂလိကကဏ္ဍဖွံ့ဖြိုးတိုးတက်ရေးရည်မှန်းချက်ကို အကောင်အထည်ဖော် ဆောင်ရွက် နိုင်မည်ဖြစ်သည့်အပြင် စီးပွားရေးဖွံ့ဖြိုးမှုကိုလည်း အကျိုးသက်ရောက်နိုင်မည် ဖြစ်ပါကြောင်း၊ ပုဂ္ဂလိကကဏ္ဍအားနည်းသွားလျှင် ပုဂ္ဂလိကကဏ္ဍကို အခြေခံသည့် စီးပွားရေးဖွံ့ဖြိုးတိုးတက်မှုတွင် တုန့်နှေးသွားနိုင်ပါကြောင်း၊ ထို့ကြောင့် ကော်မတီဝင် များနှင့် လုပ်ငန်းကော်မတီဝင်များအနေဖြင့် ပုဂ္ဂလိက ကဏ္ဍဖွံ့ဖြိုးတိုးတက်ရေးအတွက် မိမိတို့၏ လုပ်ငန်းတာဝန်များအလိုက် ရှေ့ဆက်ဆောင်ရွက်ရမည့် လုပ်ငန်းစီမံချက်များကို စနစ်တကျ ရေးဆွဲပြီး အကောင်အထည်ဖော်ဆောင်ရွက်သွားကြရန် တိုက်တွန်းပြောကြား လိုပါကြောင်း။
ယခုနှစ်တွင် ကမ္ဘာ့ဘဏ်မှ ထုတ်ပြန်ခဲ့သည့်နိုင်ငံများ၏ စီးပွားရေးလုပ်ငန်းများ လုပ်ကိုင်ရန် လွယ်ကူမှုအစီရင်ခံစာ ၂၀၂၀ (Doing Business Report 2020)” တွင် မြန်မာ နိုင်ငံသည်စီးပွားရေးလုပ်ငန်းများ လုပ်ကိုင်ရန်လွယ်ကူအောင် ပြုပြင်ပြောင်းလဲမှုများ ဆောင်ရွက်ရာမှာ တိုးတက်မှုအကောင်းဆုံးနိုင်ငံ(၂၀) ” စာရင်းတွင်ပါဝင်ခဲ့ပြီး နိုင်ငံပေါင်း (၁၉၀)တွင် ယခင်နှစ်က အဆင့် (၁၇၁) ဆင့် ရရှိခဲ့ပြီး ယခုနှစ်တွင် အဆင့်(၁၆၅)ဆင့် ရရှိသည့်အတွက် အဆင့် ()ဆင့် တိုးတက်လာခဲ့ပါကြောင်း၊ ထို့ကြောင့် မိမိတို့နိုင်ငံ၏ ပူးပေါင်း ကြိုးပမ်းမှုများသည် အတိုင်းအတာတစ်ခုအထိ တိုးတက်မှုရှိလာပြီဟု ပြော၍ ရပါကြောင်း၊ ယခုကဲ့သို့ တိုးတက်အောင် ပူးပေါင်းဆောင်ရွက်ပေးကြသည့် လုပ်ငန်း ကော်မတီများ၊ လုပ်ငန်းအဖွဲ့ (၁၀)ဖွဲ့၊ ဌာနဆိုင်ရာများ၊ ပုဂ္ဂလိကအသင်းအဖွဲ့များ၊ လုပ်ငန်း ရှင်များ၊ အကူအညီပေးသော နိုင်ငံတကာအဖွဲ့အစည်းများအားလုံးကို အထူးကျေးဇူးတင် အသိအမှတ်ပြုပါကြောင်းနှင့် ဆက်လက်ပူးပေါင်း ဆောင်ရွက်ပေးကြစေလိုပါကြောင်း။
စီးပွားရေးလုပ်ငန်းများ လုပ်ကိုင်ရန်လွယ်ကူမှုအစီရင်ခံစာ ၂၀၂၀တွင် လုပ်ငန်း နယ်ပယ် (၁၀)ခု၏ အဆင့်နှင့် ရမှတ်များကို ပြန်လည်သုံးသပ်ကြည့်လျှင် အဆင့်နှင့်ရမှတ် တိုးတက်လာသည့် နယ်ပယ် ( ) ခုမှာစီးပွားရေးလုပ်ငန်းတစ်ခုစတင်ခြင်းဆောက်လုပ်ခွင့်ရယူခြင်းပိုင်ဆိုင်မှုမှတ်ပုံတင်ခြင်းအနည်းစု ရင်းနှီးမြှုပ်နှံသူများအား အကာအကွယ်ပေးခြင်းနှင့်ပဋိဉာဉ်များအတည်ပြုဆောင်ရွက်ခြင်းတို့ ဖြစ်သည်ကို တွေ့ရှိရပါကြောင်း၊ ယခင်နှစ်အတိုင်း အဆင့်နှင့်ရမှတ်တူ ဖြစ်နေသည့် နယ်ပယ် ( ) ခုမှာပြည်ပကုန်သွယ်မှုနှင့်အကြွေးမပေးဆပ်နိုင်မှု အခြေအနေကို ဖြေရှင်းပေးနိုင်မှုနယ်ပယ်တို့ ဖြစ်ပါကြောင်း။ ယခင်နှစ်ထက် အဆင့်လျော့ကျ ခဲ့သည့် နယ်ပယ်( ) ခု အနက်ချေးငွေရရှိနိုင်မှုနှင့်အခွန်ပေးဆောင်မှုနယ်ပယ်တို့တွင် အဆင့်()ဆင့်စီ လျော့ကျ ခဲ့ပြီး ရမှတ်အနေဖြင့် ယခင်နှစ်အတိုင်းရရှိခဲ့ပါကြောင်း၊လျှပ်စစ်ဓာတ်အားရရှိနိုင်မှုနယ်ပယ်တွင် အဆင့် ( ) ဆင့် လျော့ကျခဲ့ပြီး ရမှတ်အနေဖြင့် ယခင်နှစ်ထက် ( ) မှတ် တိုးတက်လာသည်ကို တွေ့ရပါကြောင်း။
ထို့ကြောင့် တိုးတက်ခဲ့သည့် နယ်ပယ်()ခုအနေဖြင့် လာမည့်နှစ်များတွင် ယခုထက် ပိုမိုတိုးတက်အောင် ဆောင်ရွက်သွားရန် လိုအပ်သကဲ့သို့အဆင့်တိုးတက်မှုမရှိသည့် နယ်ပယ်()ခုနှင့်အဆင့်လျော့ကျသွားသည့် နယ်ပယ်()ခုတို့အနေဖြင့် လာမည့်နှစ်တွင် အဆင့်နှင့်ရမှတ်များ ပိုမိုတိုးတက်ရရှိရေးအတွက် ယခုကတည်းက လိုအပ်သည့် ကြိုတင် ပြင်ဆင်ဆောင်ရွက်မှုများကို ဆောင်ရွက်သွားကြရန် လိုအပ်ပါကြောင်း၊ ထို့ပြင် ကမ္ဘာ့ဘဏ် အုပ်စု ( International Finance Corporation – IFC ) က ရေးဆွဲပေးပို့လာသည့်မြန်မာ့ စီးပွားရေးလုပ်ငန်းများ လုပ်ကိုင်ရန်လွယ်ကူမှု လုပ်ငန်းစီမံချက် ၂၀၂၀ပါ အချက်များကို ကာလတို၊ ကာလလတ်၊ ကာလရှည် သတ်မှတ်ကာ သက်ဆိုင်ရာကဏ္ဍအလိုက် စနစ်တကျ စီမံဆောင်ရွက်သွားကြ ရန် တိုက်တွန်းပြောကြားလိုပါကြောင်း။
2021 Ease of Doing Business Ranking တိုးတက်ရေးအတွက် ပြုပြင်ပြောင်းလဲရေး လုပ်ငန်းစဉ်များကို ဆက်စပ်သည့်ဌာနများက ဥပဒေများ၊ နည်းဥပဒေများ၊ စည်းမျဉ်းစည်းကမ်း များ၊ မူဝါဒများကို ခေတ်နှင့်လျော်ညီအောင် ပြုပြင်ပြောင်းလဲခြင်းများ ဆောင်ရွက်နေသကဲ့သို့ လုပ်ငန်းများ လျင်မြန်ချောမွေ့စေရေးအတွက်လည်း ခေတ်မီနည်းပညာများကို အသုံးပြု၍ ဆောင်ရွက်လျက်ရှိသည်ကို တွေ့ရှိရပါကြောင်း၊ ထိုကဲ့သို့ ပြုပြင်ပြောင်းလဲ ဆောင်ရွက်နေမှုများကို ဌာနဆိုင်ရာများ၊ ပုဂ္ဂလိက လုပ်ငန်းရှင်များနှင့် ပြည်သူများအားလုံး ကျယ်ကျယ်ပြန့်ပြန့် သိရှိအောင် ဆောင်ရွက်သွားရန် လိုအပ်ပါကြောင်း၊ သို့မှသာ အများပြည်သူသိရှိပြီး မှန်ကန်သည့် အဖြေများကို ဖြေဆိုနိုင်ကာ ထိုက်တန်သည့် ရမှတ်နှင့်အဆင့်တို့ကို ရရှိလာမည်ဖြစ်ပါကြောင်း၊ အစိုးရနှင့် ပုဂ္ဂလိကကဏ္ဍ တို့ ပူးပေါင်းမှု ပိုမိုအားကောင်းမှသာ ရည်မှန်းချက်များ အောင်မြင်တိုးတက်နိုင်မည် ဖြစ်ပါကြောင်း။
ပုဂ္ဂလိကကဏ္ဍဖွံ့ဖြိုးတိုးတက်ရေးနှင့် Ease of Doing Business Ranking တိုးတက် စေရေးအတွက် ယနေ့အစည်းအဝေးသို့ တက်ရောက်လာကြသည့် တာဝန်ရှိပုဂ္ဂိုလ်များ အနေဖြင့် သက်ဆိုင်ရာကဏ္ဍအလိုက် ဆောင်ရွက်ထားရှိမှု အခြေအနေများ၊ ဆက်လက် ဆောင်ရွက်မည့် အစီအမံများနှင့် လိုအပ်သည့်အကြံပြုချက်များကို ပွင့်ပွင့်လင်းလင်း ဆွေးနွေး ပေးကြပါရန် လိုအပ်ပါကြောင်း ပြောကြားသည်။
ထို့နောက် ပုဂ္ဂလိကကဏ္ဍဖွံ့ဖြိုးတိုးတက်ရေးကော်မတီ ဒုတိယဥက္ကဋ္ဌ၊ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ပြည်ထောင်စုဝန်ကြီး ဒေါက်တာသန်းမြင့်က ပုဂ္ဂလိကကဏ္ဍ ဖွံ့ဖြိုးတိုးတက်ရေးဆောင်ရွက်နေမှုအခြေအနေများ၊ စီးပွားရေးလုပ်ငန်း များ လုပ်ကိုင်ရာတွင် လွယ်ကူလျင်မြန်ချောမွေ့စေရန်နှင့် အဆင့်တိုးတက်လာစေရေး အတွက် ဆောင်ရွက်နေမှု အခြေအနေများနှင့် စပ်လျဉ်း၍ ရှင်းလင်းတင်ပြသည်။
ယင်းနောက် ကော်မတီအတွင်းရေးမှူး၊ စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန အမြဲတမ်းအတွင်းဝန် ဦးအောင်စိုးက ယခင်အစည်းအဝေး ဆုံးဖြတ်ချက် များနှင့်စပ်လျဉ်း၍ ဆောင်ရွက်ပြီးစီးမှုအခြေအနေများကို ရှင်းလင်းတင်ပြသည်။
ဆက်လက်၍ ပညာရေးဝန်ကြီးဌာနမှ ညွှန်ကြားရေးမှူးချုပ် ဒေါက်တာအေးမြင့်ကအခြေခံလူသားအရင်းအမြစ် တည်ဆောက်ရေးလုပ်ငန်းကော်မတီနှင့်စပ်လျဉ်း၍ လည်းကောင်း၊ စီမံကိန်း၊ဘဏ္ဍာရေးနှင့်စက်မှုဝန်ကြီးဌာနမှ ဒုတိယဝန်ကြီး ဦးမောင်မောင်ဝင်း ကငွေကြေးရရှိစေနိုင်မှုဆိုင်ရာ ဆောင်ရွက်ရေး လုပ်ငန်းကော်မတီနှင့်စပ်လျဉ်း၍ လည်းကောင်း၊ ပြည်ထောင်စုရှေ့နေချုပ်ရုံးမှ အမြဲတမ်းအတွင်းဝန် ဒေါက်တာ ဒေါ်သီတာဦးကဥပဒေနှင့် လုပ်ထုံးလုပ်နည်းဆိုင်ရာ ဝန်းကျင်တိုးတက်ကောင်းမွန်စေရေး လုပ်ငန်းကော်မတီနှင့်စပ်လျဉ်း၍လည်းကောင်း၊ စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနမှ အမြဲတမ်းအတွင်းဝန် ဦးအောင်စိုးကကုန်သွယ်မှုနှင့်ရင်းနှီးမြှုပ်နှံမှုကို အားပေးမြှင့်တင်ရေး လုပ်ငန်းကော်မတီနှင့်စပ်လျဉ်း၍လည်းကောင်း၊ စီမံကိန်း၊ ဘဏ္ဍာရေးနှင့် စက်မှုဝန်ကြီးဌာနမှ အမြဲတမ်းအတွင်းဝန် ဦးထွန်းထွန်းနိုင်ကစီးပွားရေး နှင့် ဝန်ဆောင်မှုဆိုင်ရာ လုပ်ငန်းများတွင် နိုင်ငံ၏အခန်းကဏ္ဍအား ပြန်လည်ရေးဆွဲရေး လုပ်ငန်းကော်မတီနှင့်စပ်လျဉ်း၍လည်းကောင်း လုပ်ငန်းကော်မတီများအလိုက် ဆောင် ရွက်နေမှုအခြေအနေများနှင့် ဆက်လက်ဆောင်ရွက်သွားမည့် လုပ်ငန်းစဉ်များကို ရှင်းလင်း တင်ပြကြသည်။
ထို့နောက် Ease of Doing Business Ranking တိုးတက်ရေးလုပ်ငန်းအဖွဲ့ အတွင်းရေးမှူး၊ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန အမြဲတမ်းအတွင်းဝန် ဦးအောင်စိုးက “ Doing Business Ranking ” တိုးတက်ရေးအတွက် အညွှန်းကိန်း တစ်ခုချင်းအလိုက် ဆောင်ရွက်နေသည့် လုပ်ငန်းစဉ်များနှင့် ဆောင်ရွက်သွားမည့် ပြုပြင်ပြောင်းလဲမှု အစီအမံများကို ရှင်းလင်းတင်ပြသည်။
ယင်းနောက် ပုဂ္ဂလိကကဏ္ဍဖွံ့ဖြိုးတိုးတက်ရေးကော်မတီဝင်များ ဖြစ်ကြသည့် ပြည်ထောင်စုဝန်ကြီး ဦးသန့်စင်မောင်က e-Government Data Center များ တည်ဆောက် နိုင်ရေး စီမံဆောင်ရွက်နေမှုအခြေအနေများ၊ ပြည်ထောင်စုဝန်ကြီး ဦးဝင်းခိုင် က Ease of Doing Business Ranking တိုးတက်ရေးအတွက် လျှပ်စစ်ဓာတ်အားလိုအပ်ချက် အခြေအနေနှင့် ဖြည့်ဆည်းထောက်ပံ့နိုင်ရေးအတွက် စီစဉ်ဆောင်ရွက် နေမှုအခြေအနေ များ၊ ပြည်ထောင်စုရှေ့နေချုပ် ဦးထွန်းထွန်းဦးက ဥပဒေ၊ စည်းမျဉ်း စည်းကမ်း၊ အမိန့်နှင့် ညွှန်ကြားချက်များထုတ်ပြန်ပေးခဲ့မှု အခြေအနေများ၊ စီမံကိန်း၊ ဘဏ္ဍာရေးနှင့် စက်မှုဝန်ကြီး ဌာန ဒုတိယဝန်ကြီး ဦးမောင်မောင်ဝင်းက နိုင်ငံ၏ စီးပွားရေးအခြေအနေနှင့် စီးပွားရေး ဖွံ့ဖြိုး တိုးတက်မှုနှုန်း၊ ပြည်တွင်း/ ပြည်ပရင်းနှီးမြှုပ်နှံမှုအခြေအနေနှင့် Project Bank စီမံ ဆောင်ရွက်ထားရှိမှုအခြေအနေများ၊ မြန်မာနိုင်ငံတော်ဗဟိုဘဏ် ဒုတိယဥက္ကဋ္ဌ ဦးစိုးသိန်း က နိုင်ငံ၏စီးပွားရေးကဏ္ဍ ဖွံ့ဖြိုးတိုးတက်လာစေရေးအတွက် ပြုပြင်ပြောင်းလဲမှုများ ဆောင်ရွက်နေမှုနှင့် ချေးငွေထုတ်ချေးပေးနေမှု အခြေအနေများ၊ ပြည်ထောင်စုသမ္မတ မြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များအသင်းချုပ် ( UMFCCI ) မှ အထွေထွေ အတွင်းရေးမှူးချုပ် ဦးအေးဝင်းက ပုဂ္ဂလိကကဏ္ဍဖွံ့ဖြိုးတိုးတက်ရေးအတွက် UMFCCI ဆောင်ရွက်နေမှုအခြေအနေများနှင့် ဆက်လက်ဆောင်ရွက်သွားမည့် အစီအမံများကို အကြံပြုဆွေးနွေးကြသည်။
ထို့နောက် ကော်မတီအတွင်းရေးမှူး ဦးအောင်စိုးက ပုဂ္ဂလိကကဏ္ဍ ဖွံ့ဖြိုးတိုးတက်ရေးကော်မတီ၏ (၁၁)ကြိမ်မြောက် လုပ်ငန်းညှိနှိုင်းအစည်းအဝေး ဆုံးဖြတ်ချက်များကို တင်ပြပြီး အစည်းအဝေးဆုံးဖြတ်ချက်ပေါင်း ()ချက်ကို အတည်ပြုချမှတ်ခဲ့သည်။
ယင်းနောက် ပုဂ္ဂလိကကဏ္ဍဖွံ့ဖြိုးတိုးတက်ရေးကော်မတီ ဥက္ကဋ္ဌ၊ ဒုတိယသမ္မတ ဦးမြင့်ဆွေက ရှင်းလင်းတင်ပြချက်များအပေါ် ပေါင်းစပ်ညှိနှိုင်းပေးပြီး နိဂုံးချုပ် အမှာစကားပြောကြားကာ အစည်းအဝေးကို ရုပ်သိမ်းလိုက်သည်။